កំពង់ស្ពឺ៖ នៅព្រឹកថៃ្ងអាទិត្យទី៣០ ខែកក្កដា ឆ្នាំ២០២៣នេះ នគរបាលអន្ដរាគមន៍ជួយសង្គ្រោះរថយន្តនិងជនជាតិចិន ២នាក់ ដែលព្យាយាមបេីករថយន្ដឆ្លងកាត់ទឹកហូរចំណុចស្ពានអូរគគី ផ្លូវជាតិលេខ៤ រួចពីគ្រោះថ្នាក់នៅចំពោះមុខនៃមហន្ដរាយដល់អាយុជីវិត។

សូមបងប្អូនដែលមានបំណងធ្វេីដំណេីរឆ្លងកាត់តាមផ្លូវជាតិលេខ៤ មេត្តាជ្រាបថា ម៉ោងនេះទឹកធ្លាក់ពីលេីភ្នំដោយសារតែទឹកភ្លៀង បានកំពុងហូរកាត់លេីផ្លូវជាតិលេខ៤ ចំណុចស្ពានអូរគគីចន្លោះបង្គោលគីឡូម៉ែត្រលេខ១០៧-លេខ១០៨ ព្រំប្រទល់ស្រុកកំពង់សិលា ខេត្តព្រះសីហនុ ជាប់ព្រំប្រទល់ស្រុកភ្នំស្រួច ខេត្តកំពង់ស្ពឺ ។

យោងតាមប្រភពពី ក្រសួងធនធានទឹក និងឧតុនិយម បានបញ្ជាក់ថា គិតត្រឹមព្រឹកថ្ងៃទី៣០ ខែកក្កដា ឆ្នាំ២០២៣នេះ ស្ថានភាពទឹកនៅស្ទឹងសំរោង ក្នុងឃុំបាក់រទេះ ស្រុកកំពង់សិលា ខេត្តព្រះសីហនុ ផ្លូវជាតិលេខ៤ ត្រង់គីឡូម៉ែត្រលេខ១១៦ ទឹកបានឡេីងដល់កម្ពស់ ៥,៧៧ម៉ែត្រ / ៦,០០ម៉ែត្រ ដោយទឹកបានហូរកាត់ផ្លូវប្រវែងចន្លោះពី ៥០ម៉ែត្រ ទៅ១០០ម៉ែត្រ ជាចំណុចជូនដំណឹងដល់ប្រជាពលរដ្ឋផ្អាកការធ្វើដំណើរឆ្លងកាត់ជាបណ្តោះអាសន្ន៕